झाडीपट्टीच्या मातीत फुलले प्रेमाचे नवे पर्व! ब्रह्मपुरीच्या अंगणात पहिल्यांदाच अवतरले ‘प्रीतीचा हा सुटलाय वारा’

   

  • नव्या दमाच्या नवोदित कलाकारांच्या जादूने सोशल मीडियावर घातला धुमाकूळ
  •  अस्सल ग्रामीण बाज आणि सुमधुर संगीताने रसिकांच्या मनावर राज्य

ब्रह्मपुरी / प्रतिनिधी:
              विदर्भाची सांस्कृतिक शान आणि अभिमान असलेल्या समृद्ध झाडीपट्टी रंगभूमीच्या इतिहासात एका सुवर्णपानाची भर पडली आहे. आजवर अनेक दिग्गज कलाकार आणि संगीतकार देणाऱ्या या मातीत, ब्रह्मपुरीच्या अंगणात पहिल्यांदाच पूर्णपणे स्थानिक आणि नव्या दमाच्या कलाकारांना घेऊन तयार झालेले ‘प्रीतीचा हा सुटलाय वारा’ हे सुमधुर झाडीपट्टी प्रेमगीत सध्या संपूर्ण विदर्भात आणि सोशल मीडियावर चर्चेचा विषय ठरले आहे. या गाण्याने युट्यूबवर अक्षरशः धुमाकूळ घातला असून, ग्रामीण भागातील अप्रतिम प्रतिभेची चुणूक संपूर्ण महाराष्ट्राला अनुभवता येत आहे.
               कोणतीही मोठी फिल्मी पार्श्वभूमी किंवा हिंगोली-मुंबईचा सहारा नसताना, केवळ कलेवर असलेल्या निखळ प्रेमापोटी या प्रकल्पाची पायाभरणी झाली. ब्रह्मपुरी परिसरातील झाडीपट्टी रंगभूमीचे जाणकार अंकुश ठाकरे आणि संतोष पिलारे यांच्या कल्पक डोक्यातून हे गीत साकारले आहे. मातीशी एकरूप झालेल्या या गाण्यातून झाडीपट्टीच्या कलाकारांनी एका नव्या पर्वाची सुरुवात केली आहे. विशेष कौतुकाची बाब म्हणजे, या गाण्यातील सर्वच कलाकार अत्यंत नवीन आणि उत्साही आहेत. मात्र, त्यांच्या पहिल्याच प्रयत्नातील सादरीकरण इतके प्रगल्भ आणि भारदस्त असल्याचे बोलले जात आहे.
              या गाण्याचा मुख्य यूएसपी म्हणजे त्याचे ताजेतवाने चेहरे आणि उत्तम सादरीकरण. इन्स्टाग्रामवरील अत्यंत लोकप्रिय आणि लाडकी रिल स्टार मनश्री काळबांधे (रा. पोर्ला, ता. गडचिरोली) हिने आपल्या दिलखेच अदाकारीने प्रेक्षकांना घायाळ केले आहे. सोबतच, गुणी गायक आणि संगीतकार लखन कुंभरे (रा. ब्रह्मपुरी, गुरुदेव नाट्य रंगभूमी) यांनी आपल्या भारदस्त आणि मधूर आवाजात हे गीत स्वरबद्ध केले आहे. अंकुश ठाकरे यांनी लिहिलेल्या प्रत्येक ओळी थेट काळजाला भिडणाऱ्या असून, लखनच्या संगीताने त्याला चार चांद लावले आहेत.
         या गाण्याचे संपूर्ण चित्रीकरण ब्रह्मपुरी तालुक्यातील चोरटी आणि परिसरातील अस्सल ग्रामीण वातावरणात पार पडले आहे. श्री दत्त मंदिर चोरटी, जिल्हा परिषद शाळा आणि भगवानपूर येथील ऐतिहासिक मामा तलाव यांसारख्या आपल्या जिव्हाळ्याच्या आणि निसर्गरम्य ठिकाणांना यात स्थान देण्यात आले आहे. दिग्दर्शक संतोष पिलारे यांनी कॅमेऱ्याच्या माध्यमातून विदर्भाच्या सौंदर्याची एक नवी आणि मनमोहक ओळख जगासमोर आणली आहे. गाण्यातील प्रत्येक फ्रेम पाहताना प्रेक्षक आपल्याच गावात फिरत असल्याचा अनुभव घेतात.
          झाडीपट्टी रंगभूमी केवळ नाटकांपुरती मर्यादित नाही, तर येथील मातीत अफाट उपजत प्रतिभा दडलेली आहे, हे या गाण्याने सिद्ध करून दाखवले आहे. नवोदित कलाकारांची ही निष्ठा आणि मेहनत गाण्याच्या प्रत्येक सेकंदाला जाणवते. जर तुम्हालाही मातीशी नाळ जोडलेले एक निखळ, निस्सीम प्रेमगीत अनुभवत पुन्हा एकदा रोमँटिक होशियार व्हायचे असेल, तर अजिबात वेळ वाया घालवू नका! आजच YouTube वर जाऊन 'HK Production' च्या अधिकृत चॅनेलला भेट द्या आणि पहा 'प्रीतीचा हा सुटलाय वारा' आपल्या हस्ते या नवोदित कलाकारांच्या पाठीवर कौतुकाची थाप देऊया आणि झाडीपट्टीच्या या सुवर्णकलेला राजाश्रय मिळवून देऊया!

  Post Views:   670


संबंधित बातम्या

ताज्या घडामोडी