विविध प्रमाणपत्र व आरोग्य तपासणी शिबीर संपन्न
एसडीओ पर्वणी पाटील व तहसीलदार सतीश मासाळ यांची उपस्थिती
ब्रम्हपुरी/का.प्र.
ब्रम्हपुरी तालुका मुख्यालयापासुन २५ किलोमिटर अंतरावर असलेल्या व भटक्या जमातीRचे १५ कुटुंबाचे वास्तव्य असलेल्या गणेशपुर पातळी या गावात संबंधितांना जात प्रमाणपत्र / जन्म प्रमाणपत्र व इतर प्रमाणपत्र वितरित करण्याकरीता मुख्यमंत्री महाराष्ट्र राज्य यांचे १०० दिवसांचे कार्यक्राअंतर्गत तहसील कार्यालय ब्रम्हपुरीचे वतीने विशेष शिबिराचे आयोजन करण्यात आले. शिबिरास उपविभागीय अधिकारी पर्वणी पाटील , तहसीलदार सतीश मासाळ यांनी मार्गदर्शन केले. तसेच विविध प्रमाणपत्रांचे वितरण केले.
या शिबिरात जात प्रमाणपत्र , जन्म प्रमाणपत्र वितरित करण्याकरीता अर्ज भरून घेण्यात आले. तसेच उत्पन्न प्रमाणपत्र, रेशनकार्ड चे वितरण, आधार अपडेट व आधार संबंधीत कामे, जन धन बँक खाते तयार करणे, संजय गांधी योजना तसेच आरोग्य तपासणी शिबिरात २०९ नागरिकांची आरोग्य तपासणी करण्यात आली. शिबिरास नायब तहसीलदार आशिष तालेवार, महानंदा मडावी , लीना बोबाटे , ग्रामीण रुग्णालय ब्रम्हपुरी चे डॉ. श्रीकांत कामडी व वैद्यकिय चमू, भारतीय स्टेट बँक ब्रम्हपुरी विजय कुमार शर्मा व टीम, प्राथमिक आरोग्य केंद्र मेंडकी यांची टीम, सरपंच, पोलीस पाटील, ग्राम महसूल अधिकारी घनश्याम राऊत, ग्रामसेवक मने, पुरवठा विभागाचे दिलीप मेश्राम, ऑपरेटर, महसूल सेवक ठवकर गांगलवाडी , आधार केंद्र चालक कुथे, सीएससी केंद्र चालक कलमगाव यांचेसह गावातील नागरीक मोठ्या संख्येने उपस्थित होते.
कार्यक्रमाचे संचालन व प्रास्ताविक आकाश भाकरे मंडळ अधिकारी गांगलवाडी यांनी केले.
